la

poesia popolare

 

Gigi Miracol

EMIGRANT

MA ELI PROPRIO ME FRADHEI?

FILANDA

L'Č DE CUELE THORNADHE CHEEE...!

VECIO PARON

CASTAGNER GRANT

PLATANI

CHISĄ CHI CHE SON

FERMO IN AUTOSTRADA

 


 

PLATANI  

L’č tanti bus vodhi inte la scarpadha

drio man che i mor noi li rinpiatha pģ

pasadhi de moda

i par tanti soldadhi che torna dala guera

strachi  sfinidhi

thento ani e fursi  pģ a far ombria  sul rival del stradhon

butadhi via

mejo gardereil zincathi, malmesi rudheni

che me stulise i oci de refless

pitost che sti sassini..

SII.. parchč dhess l’é colpa dei platani

se bociaran col sangue calt

i va a basarli intela not,

 co machine checor a  dosento l’ora

“VIA!!! BISOGNA BATERLI VIA!!!!!

Quei che resta tui vet lą martoriadhi dale pache

dal fun, da mazz de fior de plastica

da fotografie smaridhe dal tenp

da le maledithion dei parent.

I tien bota da pore vecioti

spetando de dheventar segadhura

e legne da ardher

stran destin la vita! Te pol pasar da criminal

anca se no te se ti che te ą fat al mal.

CHISĄ CHI CHE SON

  

Pol darse che no sie un on tut de un toc

ma na bandiera che sgorla a tuti i vent

un ortolan co’tante cujere

radhici fasoi pumidhori e patate

un boer co tante bestie in stala

vache’gnelet porthei e pitus

un vigneto nostran de vin de conejan

proseco verdhiso

pignola e biancheta

un fią de rismi e cualche incalmo bastardo

‘na casa de piere tute cuante inportanti

sia cuele de spala che da stracanton

sielderghen una sol

sarie farghe un tort,

(par nesuna rason),

a tuti i sospiri e basi co ardhor

che par fortuna la luna
me inpeta su la pel e sul cor.

 

 

 

 

 

Per ascoltare l'autore cliccare
sul tasto Play
dei lettori qui sopra.

         

< indice autori               < home

  Fondazione Premio Altino  leo@fondazionepremioaltino.it